أعلنت منثم، المنصة المتخصصة في إدارة الثروات الرقمية في مصر، عن إطلاق “صندوق منثم جرو” بالتعاون مع بلتون لإدارة الأصول، أكبر شركة مستقلة في مجال إدارة الأصول بمصر.
الصندوق ده عبارة عن صندوق مؤشرات بيتتبع مؤشر EGX 30 Capped، لكنه اللي بيميزه بجد إنه أول صندوق في مصر بيقدّم خطة استثمار رقمية منتظمة أو اللي بنسميها SIP – Systematic Investment Plan.
الهدف مش إنك تدور على السهم اللي هيكسب النهاردة أو تجري ورا الترندات، لكن إنك تبني ثروتك بهدوء، واحدة واحدة، عن طريق استثمار منتظم في أفضل الشركات المصرية — وده بيحصل أوتوماتيك وعلى حسب الخطة اللي انت بتختارها.
المميز بجد؟ إن الصندوق متكامل مع حساب “منثم كور”، يعني فلوسك بتكون شغالة يوميًا في صندوق نقدي آمن لحد ما تتحوّل تلقائيًا لجرو على حسب خطتك.
تقدر تختار تستثمر بشكل يومي أو أسبوعي أو شهري من غير ما تتابع السوق أو تفكر كل يوم — كل حاجة بتتم أوتوماتيك.
“جرو” بيدار بخبرة بلتون، ومع بساطة التكنولوجيا بتاعة منثم، بيقدّم تجربة استثمار ذكية وسهلة وسريعة.
هيمانشو شرمالي، الشريك المؤسس والرئيس التنفيذي لمنثم، قال:“أفضل استراتيجية استثمار هي إنك تستثمر في صندوق مؤشرات وتسيبه ينمو على المدى الطويل. ’جرو‘ بيخلّي ده سهل ورقمي ومتاح للجميع.”
وأضاف:“مش لازم تبقى خبير عشان تبني ثروتك، كل اللي محتاجه هو إنك تبدأ بخطوات بسيطة ومنتظمة. متسيبش أهدافك للصدفة!”
إسماعيل سرهنك، المؤسس المشارك والرئيس التنفيذي للعمليات في منثم، قال:” في منثم بنحاول نبسّط كل حاجة، من الادخار للاستثمار. بناء الثروة مش بيحصل مرة واحدة، بيحصل كل يوم بخطة ذكية ومنظمة.”
خليل البواب، الرئيس التنفيذي للأسواق في بلتون القابضة، قال:“سعيدين بشراكتنا مع منثم. الصندوق ده بيمثل خطوة حقيقية نحو جعل الاستثمار في البورصة متاح وسهل لكل الناس. منثم بتقدم تجربة فريدة ومبتكرة بتساعد على جذب نوع جديد من المستثمرين.”
